बर्दिया–
बर्दियामा जुवा खेलिरहेको अवस्थामा प्रहरीले नगद र तास सहित १० जनालाई नियन्त्रणमा लिएको छ ।
बर्दियाको बाँसगढी वडा नं.३ शान्तिपुर स्थित खिम बहादुर महतको घरबाट प्रहरीले ५४ हजार ३ सय १५ रूपैयाँ र २ गड्डी तास सहित १० जनालाई नियन्त्रणमा लिएको हो ।
जिल्ला प्रहरी कार्यालय बर्दिया मातहत रहेको इलाका प्रहरी कार्यालय मोतिपुरबाट खटि गएका प्रहरी टोलीले गोप्य सूचनाका आधारमा राति १२ः१५ बजे छापा मार्दा निज महतको घरबाट नगद, तास र ५ थान मोबाइल फोन बरामद गरेको प्रहरी नायब उपरीक्षक (डिएसपी) चक्र बहादुर डमरपाल जानकारी दिनुभयो ।
उहाँले पक्राउ परेका व्यक्तिहरुलाई जिल्ला प्रशासन कार्यालय बर्दियाबाट ७ (सात) दिनको म्याद लिई इलाका प्रहरी कार्यालय मोतिपुरमा राखी थप अनुसन्धान गरिरहेको बताउनुभयो ।
डिएसपी डमरपालका अनुसार पक्राउ पर्नेहरूमा बाँसगढी न.पा. ३ शान्तिपुरका १८ वर्षीय सौगात खड्का, वर्ष २८ का अनुप खड्का, वर्ष ३३ का लोक बहादुर खड्का, वर्ष ६० को खिम बहादुर महत, वर्ष ३९ को भुपेन्द्र डाँगी, वर्ष ५१ को रामु खड्का, वर्ष ३० को वियज कुमार खड्का, वर्ष २५ धिरज कुमार खत्री, लखनाका वर्ष ४१ राम शरण थारू र गौरीका वर्ष ३१ को साजित गुजर रहेका छन् ।
