४ दिनपछि हराएको १ लाख नगद र आइफोन फेला, अटो चालकले गरे फिर्ता ।

विराटनगर।
विराटनगर महानगरपालिका वडा नम्बर ३ की सिता खड्काले चार दिनअघि हराएको नगद र आइफोन १३ सहितको झोला फिर्ता पाएको जानकारी दिइन्। उनलाई आफ्नो झोला अटोमा छुटेपछि प्रहरी कार्यालयमा जानकारी गराइएको थियो।

खड्काले १६ गते विराटनगर १ भट्टाचोकबाट शनी मन्दिर जाने क्रममा आफ्नो हाते झोला अटोमा छुटाएको बताइन्। उनी उक्त अटोको नम्बर र चालकको बारेमा केही जानकारी दिन नसक्दा प्रहरीले अनुसन्धान सुरु गर्यो।

जिल्ला प्रहरी कार्यालय मोरङका डीएसपी (प्रवक्ता) वेदप्रकाश जोशीका अनुसार, हराएको चार दिनपछि बुधबार झोला नगद सहित फेला परेको थियो। खड्काले दिएको निवेदनको आधारमा अनुसन्धान गर्दा अटो प्र-१–०२–००३ ह ६०९० नम्बर भएको पाइएको थियो।

डीएसपी जोशीका अनुसार, विराटनगर १ का चालकले घरमा नगद सुरक्षित राखेका थिए र त्यसपछि उनले नगद र आइफोन फिर्ता गरेका हुन्।