बाँके।
राष्ट्रिय स्वतन्त्र पार्टीले नेपाल विद्युत् प्राधिकरणका कार्यकारी निर्देशक कुलमान घिसिङलाई बदनियतपूर्वक बर्खास्त गरेको आरोप लगाएको छ। मंगलबार बेलुकी पार्टीले एक विज्ञप्ति जारी गर्दै सरकारले गरेको निर्णयप्रति गम्भीर ध्यानाकर्षण भएको जानकारी गराएको हो।
विज्ञाप्तीमा विद्युत् प्राधिकरणलाई वित्तीय सुदृढीकरणको बाटोमा लैजान प्रयासरत घिसिङलाई सरकारले बक्यौता रकम उठाउन नदिने उद्देश्यले कारबाही गरेको उल्लेख गरिएको छ । यससँगै बिचौलियाहरुको संरक्षणको शृंखलाअन्तर्गत घिसिङमाथि कारबाही गरिएको रास्वपाको निष्कर्ष छ ।
संविधानले नचिन्ने दुई दलीय संयन्त्रसमेतको सम्मतिमा गरिएका यस्ता जनविरोधी कदमहरूले देशमा सुधार ल्याउने चाहनामा रहेका आम युवा र सचेत नागरिकलाई निरुत्साहित बनाएको रास्वपाको ठहर गर्दै कार्यवाहक महामन्त्री कविन्द्र बुर्लाकोटीले विज्ञप्ति मार्फत जनाएका छन् ।
