इटहरी|
सुनसरीमा माध्यमिक शिक्षा परीक्षा (एसइई) को दोस्रो दिन चार जना निरीक्षकलाई परीक्षा केन्द्रबाट निष्कासन गरिएको छ।
शुक्रबार दुहवी र गढीका सरस्वती माध्यमिक विद्यालयमा कार्यरत दुई-दुई जना निरीक्षकलाई अनधिकृत गतिविधि र विषय शिक्षक राखेको आरोपमा निष्कासन गरिएको हो।
सुनसरीका प्रमुख जिल्ला अधिकारी धर्मेन्द्र मिश्रको नेतृत्वमा बनेको टोलीले ऊनीहरु माथि कार्यवाही गरेको हो। केन्द्राध्यक्षलाई भविष्यमा त्रुटि नगर्न सचेत गराइएको प्रमुख जिल्ला अधिकारी मिश्रले जानकारी दिएका छन् ।
सुनसरीका ५० परीक्षा केन्द्रमा १३ हजार ५ सय ७३ परीक्षार्थी सहभागी छन्, र परीक्षा शान्त, व्यवस्थित र मर्यादित तरिकाले सञ्चालन गर्नका लागि सबै केन्द्राध्यक्षलाई आवश्यक निर्देशन दिइएको प्रमुख जिल्ला अधिकारी मिश्रले दिएको छन् ।
Advertisement
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1