इलामको रोङबाट लागूऔषध सहित दुईजना पक्राउ

इलामको रोङ गाउँपालिका–४ बाट लागूऔषध ब्राउन सुगर सहित दुई जनालाई प्रहरीले प्रकाउ गरेको छ ।

प्रहरी चौकी किटेनीबाट ट्राफिक सहित खटिएको चेकिङ टोलीले चेकजाँचको क्रममा प्रदेश १–०१–०१७ प ५०७५ नम्बरको मोटरसाइकलमा सवार रहेका सूर्योदय नगरपालिका–८ का ३१ बर्षीय मुस्कान तामाङ र सूर्योदय नगरपालिका–६ का २७ बर्षीय पुजन तामाङलाई ४ ग्राम ७९ मिलिग्राम ब्राउन सुगरसहित पक्राउ गरेको हो ।

पक्राउ परेका दुवै जनाको इलाका प्रहरी कार्यालय पशुपतिनगरबाट थप अनुसन्धान भईरहेको कोशी प्रदेश प्रहरी काार्यालय विराटनगरले जनाएको छ ।