काठमाडौँ । भारत र पाकिस्तानबीच युद्धको अवस्था शुरु भएपछि साउदी अरबले यसलाई रोक्न कुटनीतिक फल शुरु गरेको छ ।
साउदी अरेबियाले शनिबार बिहान भारत र पाकिस्तानबीचको तनाव कम गर्ने प्रयास गरिरहेको बताएको हो । साउदी अरेबियाले कूटनीतिक माध्यम र वार्ता मार्फत दुई देशबीच जारी सैन्य द्वन्द्व अन्त्य गर्न आह्वान समेत गरेको छ ।
साउदी अरेबियाको विदेश मन्त्रालयले शनिबार एक संक्षिप्त विज्ञप्ति जारी गर्दै मन्त्री अल-जुबैरले साउदी नेतृत्वको निर्देशनमा मे ८ र ९ मा भारत र पाकिस्तानको भ्रमण गरेको र यो भ्रमण भारत र पाकिस्तान बीचको तनाव कम गर्न र दुई देशलाई वार्तामा संलग्न हुन प्रोत्साहित गर्न साउदी अरेबियाको प्रयासको एक हिस्सा भएको उल्लेख गरेको छ ।
साउदी अरेबियाका मन्त्री अल-जुबैर मे ८ मा अघोषित भ्रमणमा भारत आएका थिए । यस क्रममा उनले विदेशमन्त्री एस जयशंकरलाई भेटे र पाकिस्तान र पाकिस्तान अधिनस्थ कश्मीरमा आतंकवादी पूर्वाधारमा भारतको सैन्य आक्रमणपछि उत्पन्न भएको वर्तमान अवस्थाबारे छलफल गरेका थिए । भोलिपल्ट, उनी पाकिस्तान गए, जहाँ उनले शीर्ष पाकिस्तानी नेतृत्वसँग वार्ता गरेका थिए ।
