बाँके।
म्यानमारमा गएको विनाशकारी भूकम्पबाट प्रभावित घाइतेहरूको उद्धार गर्न नेपाली सेनाले म्यानमारको मन्डले क्षेत्रस्थित यामेथिन शहरमा एक विशेष मेडिकल क्याम्प स्थापना गरेको छ। शुक्रवारबाट सञ्चालनमा आएको यो क्याम्पमा नेपाली सेना अहिले भूकम्प प्रभावित व्यक्तिहरूलाई तत्कालीन स्वास्थ्य उपचार र आवश्यक चिकित्सकीय सेवा प्रदान गर्दै छ।
नेपाल सरकारको पहलमा, २२ सदस्यीय नेपाली सेनाको एक टोली म्यानमार प्रस्थान गरेको हो। यस टोलीमा दक्ष सर्जन, अर्थोपेडिक, मेडिसिन चिकित्सक, नर्स र प्यारामेडिकहरूको समावेश छ। टोलीसँग आवश्यक औषधि, मेडिकल उपकरण र चिकित्सकीय सामग्री पनि पठाइएको छ, जसले भूकम्पका पीडितहरूको उपचार र उद्धार प्रक्रियामा महत्वपूर्ण भूमिका निर्वाह गर्नेछ।
यो क्याम्प नेपाली सेनाको कूटनीतिक र मानवीय सहयोगको प्रतीक हो, जसले म्यानमारको भूकम्प प्रभावित क्षेत्रको स्वास्थ्य अवस्थालाई सुधार्न र उद्धार कार्यमा मद्दत पुर्याउने आशा व्यक्त गरेको छ।
