बाँके।
प्रधानमन्त्री केपि शर्मा ओलिले बैंककमा भएको बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिमस्टेक)को छैटौँ शिखर सम्मेलनको अवसरमा म्यान्मारका प्रधानमन्त्री मिन हलिङसंग महत्त्वपूर्ण भेटवार्ता गरेका छन् ।
बैठकमा दुई देशको आपसी, क्षेत्रीय, र बहुपक्षीय सम्बन्धलाई अझ सुदृढ गर्ने विषयमा विस्तृत छलफल भएको हो। म्यान्मारका स्टेट एडमिनिस्ट्रेसन काउन्सिलका अध्यक्षसमेत रहेका प्रधानमन्त्री हलिङ र प्रधानमन्त्री ओलीका बीचको भेटमा नेपालका परराष्ट्रमन्त्री डा. आरजु राणा देउवा, प्रमुख सल्लाहकार विष्णुप्रसाद रिमाल, र परराष्ट्र मन्त्रालयका सचिव अमृतबहादुर राईसमेत सहभागी भएका थिए।
यस भेटको उद्देश्य दुवै राष्ट्रको सम्बन्धलाई अझ सुदृढ गर्दै समग्र क्षेत्रीय स्थायित्व र समृद्धिका लागि सहयोगका नयाँ अवसरहरू सिर्जना गर्नु रहेको बताइएको छ।
