काठमाडौं:
प्रधानमन्त्री केपी शर्मा ओली थाइल्याण्ड प्रस्थान गरेका छन्।
औपचारिक भ्रमण र बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक) को छैटौं शिखर सम्मेलनमा भाग लिन ओली आज मंगलबार बैंककतर्फ प्रस्थान गरेका हुन्।
उनको बिदाइका लागि पत्नी राधिका शाक्यसहित सुरक्षाकर्मीहरू त्रिभुवन अन्तर्राष्ट्रिय विमानस्थल पुगेका थिए।
प्रधानमन्त्री ओली नेतृत्वको भ्रमण टोली थाइ एयरलाइन्समार्फत् बैंकक प्रस्थान गरेको परराष्ट्र मन्त्रालयले जनाएको छ । ओली थाइल्याण्डको औपचारिक भ्रमण गर्ने पहिलो प्रधानमन्त्री हुन् ।
प्रधानमन्त्री ओलीको भ्रमण दलमा प्रथम महिला राधिका शाक्य, परराष्ट्रमन्त्री डा.आरजु राणा देउवा, प्रधानमन्त्रीका मुख्य सल्लाहकार विष्णुप्रसाद रिमाल, आर्थिक–विकास सल्लाहकार डा युवराज खतिवडा, नेपाल सरकारका मुख्यसचिव एकनारायण अर्याल लगायत २१ जना रहेका छन् । प्रधानमन्त्री नेतृत्वको टोली चैत २३ गते स्वदेश फर्किने परराष्ट्र मन्त्रालयले जनाएको छ ।
