काठमाडौँ।
नेपाल विद्युत प्राधिकरणका कार्यकारी निर्देशक कुलमान घिसिङलाई बर्खास्त गरेको विरोधमा आज काठमाडौँमा प्रदर्शन गरिएको छ। नेकपा एकीकृत समाजवादी निकट विद्यार्थी संगठन अनेरास्ववियुले काठमाडौँको प्रमुख चोकहरूमा विरोध प्रदर्शन गर्दै सरकारको निर्णयको खण्डन गरेका छन्।
प्रदर्शनमा सहभागी विद्यार्थीहरूले ‘कुलमान घिसिङलाई बर्खास्त नगर्नू’ लगायतका नारा लगाउँदै सरकारको निर्णयप्रति असन्तुष्टि व्यक्त गरे। उनीहरूले घिसिङको कार्यकालमा नेपाल विद्युत प्राधिकरणले पुरा गरेको सुधार र प्रगतिको प्रशंसा गर्दै, सरकारको यो कदमलाई गलत निर्णय बताए।
अनेरास्ववियुका अध्यक्षले प्रदर्शनका क्रममा भने, “कुलमान घिसिङको नेतृत्वमा नेपाल विद्युत प्राधिकरणले ठूलो सुधार ल्यायो र अहिले बर्खास्तगीको निर्णयले देशको ऊर्जा क्षेत्रमा स्थिरता र समृद्धिलाई धक्का पुर्याउनेछ।”
प्रदर्शनकारिहरूले सरकारको निर्णयको पुनरावलोकन गर्न र घिसिङलाई पुनः आफ्नो पदमा नियुक्त गर्न माग गरेका छन्।
घिसिङको बर्खास्तगीको निर्णयले विभिन्न राजनीतिक दल र संस्थाबाट विरोधका स्वर उठिरहेका छन्। सरकारको यो कदमले आगामी दिनहरूमा थप राजनीतिक र सामाजिक असर पुर्याउने विश्लेषकहरूको भनाइ छ।
