बाँके।
संघीय राजधानी काठमाडौंमा सार्वजनिक सवारी साधनहरूको आवागमनलाई सहज बनाउने उद्देश्यले नागढंगा सिस्नेखोला सुरुङमार्ग सञ्चालनमा ल्याइने तयारी भइरहेको छ। यो सुरुङमार्गको निर्माणले नागढुंगा–थानकोट सडकखण्डमा हुने जामको समस्या समाधान गर्ने लक्ष्य राखेको छ।
हालसम्म सुरुङमार्गको आपतकालीन र मुख्य सुरुङ ब्रेक थ्रु भइसकेको छ, तर स्थानिय बासिन्दाहरूले विभिन्न माग राख्दै निर्माण काम रोक्ने गरेको अवस्थामा छन्।
यो परियोजनामा तीन ओटा अन्डरपास, चार ओटा बक्स कल्भर्ट, एउटा ओभरपास, तीनवटा पुल र एउटा फ्लाइओभर निर्माणाधीन छन्। बलम्बु क्षेत्रको फ्लाइओभर निर्माणको काम तीव्र गतिमा भइरहेको छ। साथै, सुरुङभित्रको सडक ढलान, बत्ती जडान र अक्सिजन पाइप जडानका कामहरू पनि जारी छन्।
नागढंगा सिस्नेखोला सुरुङमार्गको निर्माणका लागि २०७६ असोज ६ गते जापानी कम्पनी हाज्मा-आन्दो र सरकार बीच सहमति भएको थियो। यद्यपि, धादिङतर्फको जग्गा समस्या, स्थानिय अवरोध र कोरोना महामारीले निर्माण कार्यमा ढिलाइ ल्याएको बताइएको छ।
