२० करोडको रकमसहित ट्रक चालक पक्राउ।

काठमाडौँ उपत्यका अपराध अनुसन्धान कार्यालयले टोखा नगरपालिका वडा नम्बर १ झोर क्षेत्रबाट २० करोडभन्दा बढीको रकमसहित एक ट्रक चालकलाई पक्राउ परेका छन्। ट्रकको चालकको पहिचान सिन्धुपाल्चोकको भोटेकोसी गाउँपालिका वडा नम्बर १ का ४३ वर्षीय कुसाङ लामाका रूपमा गरिएको छ।

काठमाडौँ उपत्यका अपराध अनुसन्धान कार्यालयका स्रोतले भने अनुसार, ट्रकबाट ठूलो परिमाणमा नगद रकम बरामद गरिएको छ, र हाल उक्त रकमको गन्ती जारी रहेको छ। प्रारम्भिक अनुमान अनुसार उक्त रकम २० करोड भन्दा बढी रहेको जानकारी गराइएको हो । यस घटनाबारे थप जानकारी दिन दिउँसो १ बजे एक पत्रकार सम्मेलन हुने श्रोतले जानकारी गराएको छ ।